FOODUP

दर 40 सेकंदाच्या शेवटी, कोणीतरी आत्महत्येने आपला जीव गमावतो. प्रत्येक आत्महत्या ही शोकांतिका असते ज्यांचा मागे राहणाऱ्या  लोकांवर दीर्घकाळ प्रभाव पडतो .आत्महत्येची कारणे  बरीच असू शकतात  वेदना, क्रोध, अपराधीपणा, नैराश्य ही यामागील प्रमुख कारणे आहेत. काही वेळा एखाद्या व्यक्तीला एखाद्या गोष्टीबद्दल विसरण्यास महिने किंवा एक वर्षाचा कालावधी लागतो ज्यामुळे तो चिंताग्रस्त किंवा तणावग्रस्त होतो.तथापि, जेव्हा या भावना आपल्या आयुष्यात कायमस्वरुपी राहतात तेव्हा आपण स्वतः वरील आत्मविश्वास गमावून बसतो आणि स्वतः ला  नकोत्या विचारात गुंतलेले पाहतो. जागतिक आरोग्य संघटनेच्या मते 90 दशलक्षाहून अधिक भारतीय मानसिक आरोग्याच्या समस्येने ग्रासले आहेत.मानसिक आरोग्याच्या समस्यांना बरेच  घटक कारणीभूत असतात,त्यातील काही खालील प्रमाणे:

• नाते संबंध किंवा नोकरी गमावणे
• आघात किंवा गैरवर्तन यांसारखे जीवन अनुभवते
• जीन किंवा ब्रेन केमिस्ट्रीसारख्या जैविक समस्या
• तणावपूर्ण आणि व्यस्त जीवन
• मानसिक आरोग्य समस्यांचा कौटुंबिक इतिहास

प्रत्येकाच्या आयुष्यात काही समस्या असतात ज्यामुळे त्यांना निराश वाटते. खरं तर, बरेच लोक आपल्या   समस्या इतरांपासून लपवण्याचा प्रयत्न करीत असतात आणि काहीजणांना कळतही नाही की ते निराश आहेत किंवा कदाचित त्यांना ते मान्य करणे कमीपणाचे वाटत असावे.

आपली समस्या कितीही मोठी असली तरी आत्महत्या तिचे निराकरण करू शकत नाही. आयुष्यात कोणतीही गोष्ट कायमस्वरूपी नसते आणि तुमच्या चिंता ही कायमस्वरूपी राहणार नाहीत. आयुष्यात अनेक संकटे येतात पण या संकटांनी खचून जाण्यापेक्षा त्यांच्या विरोधात खंबीर पणे उभे राहा याने तुमची संकटे निश्चितच कमी होतील.

 

आपल्याला किंवा आपल्या ओळखीच्या एखाद्यास मानसिक आरोग्याची समस्या असल्याची खात्री कशी कराल हे माहित नाही ? तर खाली दिलेली उदासीनतेची काही कारणे तुमची नकीच मदत करू शकतील 

आपल्याला नेहमी असे वाटते कि आपल्याला आयुष्यात करण्यासारखे काही नाही. आपल्याला सतत असे वाटते कि आपल्या बाबती काही चांगले होणार नाही आणि कोणतीही गोष्ट आपल्या परिस्तिथीत सुधारणा करणार नाही. 

भूक बदलल्यामुळे वजन वाढणे किंवा वजन कमी होणे यासारखे महत्वपूर्ण बदल तुमच्यात दिसून येतील 

तुमच्या झोपेचे नियोजन बदलेले असेल.जेणेकरून तुमची झोप पूर्ण होणार नाही  तुम्हाला पहाटे लवकर जाग येऊ शकते.ज्यामुळे दिवसभर तुमचे डोके भारी वाटू शकते तसेच तुमच्या विचार करण्याच्या क्षमतेत ही फरक होऊ शकतो आणि तुम्ही एखाद्या गोष्टीबाबत योग्य निर्णय घेऊ शकणार नाही. काही प्रसंग असे हे असतील जेव्हा तुम्हाला काहीही करण्यासारखे वाटणार नाही आणि तुम्ही दिवसभर झोपून राहणे पसंत कराल. 

आपल्या सभोवताली होणाऱ्या लहान लहान गोष्टी तुमचे मन अस्वस्थ करतील. तुमच्या सहनशीलतेची पातळी खूपच कमी होईल आणि अगदी छोट्या गोष्टींमुळे तुमचा राग अनावर होईल . असे वाटू शकते कि प्रत्येकजण तुमचा अंत बघत आहे आणि आपल्या सहनशीलतेची चाचणी घेत आहे. 

सततच्या विचारांनी तुमच्या झोपेचे नियोजन बदलेल. तुम्हाला पहाटे लवकर जाग  येऊ शकते किंवा तळमळ झाल्यासारखे वाटू शकते सततच्या काळजीमुळे तुमचे मन आणि शरीर भारी झाल्यासारखे वाटेल 

स्नायू, सांधे, डोकेदुखी किंवा सतत पाठीचा त्रास होणे हे नैराश्याच्या लक्षणांपैकी एक असू शकते.

आपण आपली एकाग्रता सहज गमावू शकता.ज्यामुळे कोणतेही काम वेळेवर करणे आपल्याला अवघड जाईल. आपण नकारात्मकतेबद्दल विचार करत राहाल आणि जीवनाची सकारात्मक बाजू पाहण्यास विसरून जाल 

सततच्या मानसिक थकव्यामुळे तुमच्या शरीरात त्राण राहणार नाही. तुम्हाला सतत थकल्यासारखे वाटेल. यासह मूड स्विंग्स देखील असू शकतात.